capelo mbetet ne angli

Capello mbetet përzgjedhës i Anglisë

Fabio Capello do të vazhdojë të qëndrojë në postin e përzgjedhësit të Anglisë, përkundër paraqitjeve jo të mira dhe eliminimit nga Botërori, Afrika e Jugut 2010.

Është thënë se Capello do të takohej me kreun e kombëtares angleze, Sir Dave Richards, gjatë javës së ardhshme, mirëpo komunikata e lëshuar nga Federata Angleze e Futbollit, ka bërë që ky takim të mos ketë nevojë të zhvillohet, pasi që Capello do të mbetet në postin e tij deri në fund të Euro 2012, kur edhe i skadon kontrata.

“Federata e Futbollit konfirmon se Fabio Capello do të mbetet përzgjedhës i kombëtares angleze”, theksohet në komunikatën e lëshuar nga FA.

Nga ana tjetër, Fabio Capello u shpreh se si kurrë më parë ai është i uritur për suksese, duke premtuar përkushtim të plotë deri në fund të mandatit të tij.